Random

Na pucho haal mera gulshan-e-veeran main kaisa hai,

Jalaa kar raakh kar do meray iss jasd-e-khaki ko,

Alam deewangi ka lay kar chalnay nikla jo shahpar,

Nahi hai zauq ab ishq-o-junoon ka meray saaqi ko,

Karakti bijlion say kya ho gharz ab humain ay dost,

Na ashk-e-naa'tawaan larzay ga ab, na hogi beqarari ab,

Thi jannat iss zameen par jo ataa ki teray Rab nay yun,

Waheen hathon pay lahoo chhaya, hain ab sil chukay yeh lab,

Jo lagti chot dil par hai, tou hota dard tujh ko bhi,

Jo zakhm-e-bewafai ho, tou khoo'n mera bhi behta hai,

Bataa ay zalim-e-naadaan teray aa'inay main kyun,

Kahiin ehsaas-e-jurm ki tarha ik khauf rehta hai,

Jo hai tu, main hun wo aks teri zindagani ka,

Nahi kuch bhi tou farq hum main, hai ik hi jurm yaan sub ka,

Aa kholain aankh sach ki taraf hum, hai waqt kuch hi baqi,

Likhain maazi, wo wirsa jo mit gayaa kab ka,

Yeh dharti maangti hai sila kuch hi wafa ka bus,

Utha lay hath, Rab hum sub ko janta tou hai,

Karain tauba jo ab hum iss hayaat-e-haywaan say,

Nadaamat main giray ashk hon, wo manta tou hai

P.S: No idea what I wanted to write :D

P.P.S: I know it ain't very good :D