Wo jo khamushi say thehr gaye,
Wo jo aandhion say takar gaye,
Unhayn dhoon na, shab e bay nishaan,
Wo tou khaak main hi bikhar gaye,
Tujhay yaad kis ki hai iss qadar,
Woh tou pal tha jo bus guzar gaya,
Jisay na thi aadat iss qadar,
Wohi dil tha jo bus dharak gaya,
Hai yehi kahani, kooay chaar su,
Hai fasana pooray jahaan ka,
Jo na kabhi tha larza, mann e surkhuru,
Tujhay dekh kar hi behek gaya,
Liay haath main yeh jaan yun,
Chalay bandagi ki talash main,
Teray zouq say, teray shouq say,
Bana ishq hai mera rahnuma
